Зағип жанның телефонын алып қойған тараздық тұрғын ұсталды, – деп хабарлайды "Ұлт ақпарат" Polisia.kz порталына сілтеме жасап.
Тараз қаласы Полиция басқармасының Жедел басқару орталығына 58 жастағы жергілікті тұрғыннан шағым түскен. Ол белгісіз адам саябақтардың бірінде отырған кезінде телефонын ұрлап кеткенін айтқан.
Күдікті саябақта отырған азаматтың көзі көрмейтіндігін байқап, оның қолындағы Redmi телефонын тартып алған. Келтірілген шығын көлемі 67 мың теңгені құрады.
"Тараз қаласы патрульдік полиция батальоны қызметкерлерінің жедел әрекет етуінің нәтижесінде күдікті ізі суымай ұсталды. Ол облыс орталығының 22 жастағы тұрғыны екені анықталды. Күдікті өз кінәсін толық мойындап, айғақ зат иесіне қайтарылды.
Аталған дерек бойынша ҚР ҚК-нің 191-бабының 1-тармағымен (Тонау) тергеп-тексеру амалдары жүргізілуде" - делінген хабарламада.
1004 рет оқылды
