Фото: ТЖМ
Таразда көпқабатты тұрғын үйден өрт шығып, 32 адам эвакуацияланды, деп хабарлайды ТЖМ баспасөз қызметі.
"27 желтоқсан сағат 01:24-те Тараз қаласының кезекші пультіне Сағындықов көшесіндегі 5 қабатты тұрғын үйдің 2-қабатындағы пәтерде өрт шыққандығы туралы хабарлама келіп түсті. Өрт сөндірушілер дереу өрт орнына барды.
Сағат 01:49-да өрт толығымен жойылды. ТЖД күшімен 32 адам, оның ішінде 6 бала эвакуацияланды. Өртті сөндіруге 14 адам және 3 техника құрамында ТЖД күштері мен құралдары жұмылдырылды" - делінген хабарламада.
Күйікпен 1930 жылы туған әйел ауруханаға жатқызылған (15% 1-2 дәрежелі дене күйігі, орташа ауырлық дәрежесі).
Өрттің алдын ала себебі - отты абайсыз пайдалану.
ТЖМ тұрмыстық өрт қауіпсіздігі ережелерін қатаң сақтауға шақырды.
898 рет оқылды
