видео кадры
Талғарда соққыға жығылған медицина қызметкерлерінің жағдайы белгілі болды, - деп хабарлайды Tengrinews.kz сайты.
Аурухана өкілдерінің айтуынша, соққыға жығылған реаниматолог есін жиған, бірақ болашақта оған ота жасау қажет болуы мүмкін. Зардап шеккен тағы бір қызметкерге де хирургиялық көмек керек.
"Реаниматолог дәрігердің көру қабілеті нашарлаған: сол жақ көзі нашар көреді. Қадағалаймыз, мүмкін көзіне ота жасау керек. Тағы бір қызметкердің мұрны сынған. Жағдайы тұрақталғаннан кейін оған жоспар бойынша ота жасалады", - деді аға травматолог Исламбек Нұрмахашев.
Әзірге реаниматолог пен реанимация қызметкерінің жағдайы тұрақты және ауыр деп бағаланып отыр.
"Олар травматология бөлімінде жатыр. Қазіргі уақытта қатты бас ауруы, бас айналуы мазалап тұр", - деп қосты Нұрмахашев.
Еске салайық, соққыға жығылған реанимациялық дәрігер 27 жаста. Сондай-ақ 21 жастағы дәрігерге жабық бассүйек-ми жарақаты, бас миының контузиясы, сол жақта самай аймағының жұмсақ тіндерінің контузиясы, мұрын сүйектерінің сынуы диагнозы қойылған.
479 рет оқылды
