Талдықорғанда автобустар бұдан былай күн сайын залалсыздандырылады, деп хабарлайды "Ұлт ақпарат".
Алматы облысының орталығы Талдықорған қаласында қазір жеті тасымалдаушы кәсіпорын бар. 26 бағыт бойынша 184 автобус халыққа қызмет көрсетуде. Тасымалдаушыларға автобустарды тәулігіне бір рет залалсыздандыру міндеттелген. Жұмыс аяқталғаннан кейін әр автобустың іші-сырты жуылып, арнайы залалсыздандырғыш қоспалармен өңделеді.
Бірер күнде автобустарды антисептикалық жабдықтармен қамтамасыз ету мәселесі де қарастырылған.
«Қазіргі уақытта залалсыздандырылатын заттар алынды. Бір айға жеткілікті. Бүгіннен бастап күнде бір рет көлікті жуумен қатар, ішкі салон да толықтай залалсыздандырылады», - дейді жолаушылар тасымалын басқару орталығының директоры Данияр Қанаев
2010 рет оқылды
