Марат Куштыбаев. Фото: zhetysu.gov.kz
Қыз зорлады деген күдікке ілінген полиция басқармасының бұрынғы бастығы Марат Күштібаевқа қатысты қылмыстық іс сотқа жіберілді. Бұл туралы ақпарат "Сот кабинетінде" жарияланды, - деп хабарлайды «Ұлт ақпарат» Tengrinews.kzке сілтеме жасап.
12 ақпанда қылмыстық іс Талдықорған қалалық сотына келіп түскен. Оны судья Әлібек Әбдіхаев қарайды.
Еске салайық, қарашада Талдықорған полициясының басшысы Марат Күштібаев қыз зорлады деген күдікпен ұсталған болатын. Пайда болған ақпаратқа сәйкес, қылмыс оның кабинетінде болған. Күштібаев екі айға қамауға алынды.
Осыдан кейін ішкі істер министрі Жетісу облыстық ПД бастығы Атығай Арыстановты қызметінен босатты. Облыстық кадр саясаты департаменті және тергеу желісі бастығының орынбасарлары да өз лауазымынан айырылды.
418 рет оқылды
