Фото:otyrar.kz
Шымкенттегі пәтерде әйел мен бес бала белгісіз заттан уланып қалды, - деп хабарлайды Tengrinews.kz сайты Otyrar.kz порталы сілтеме жасап.
Әйелдің пәтер есігін ашпағаны туралы құтқарушыларға туыстары хабарлаған.
Оқиға 23 сәуірде Шымкенттегі пәтерлердің бірінде болған.
"Оқиға орнына құтқару жасағы шықты, арнайы құралдар көмегімен есікті ашты. Пәтерден алты адам қауіпсіз жерге шығарылды: 1987 жылы туған әйел, 2005 және 2003 жылы туған қыздар, 2011, 2013, 2015 жылы туған ұлдар", - деп жазады басылым.
Сондай-ақ дәрігерлер мен құтқарушылар зардап шеккендерді таза ауаға шығарып, оларға алғашқы медициналық көмек көрсетілген.
Сараптама басталды, әйел мен балалардың қалай уланғандығы туралы нақты деректер жоқ.
698 рет оқылды
