Фото: Шымкент қаласы Төтенше жағдайлар департаменті
Шымкентте ламинат сақтайтын қоймада өрт шықты, - деп хабарлайды "Ұлт ақпарат" Шымкент ТЖД қоғаммен байланыс тобына сілтеме жасап.
20 шілде сағат 19:47-де Шымкент қаласы Төтенше жағдайлар департаменті "101" диспетчерлік пультіне Әл-Фараби ауданы, Рашидов көшесіндегі "Дархан" базары аумағында өрт шыққаны туралы хабарлама келіп түскен.
"Жеке орналасқан көлемі 150 шаршы метр болатын бір қабатты ламинат сақтайтын қойма ішінде ламинат жанды. Өрт салдарынан 1 дана жүк көтергіш зақымданған.
Өрт сағат 20:16-да оқшауланып, сағат 21:16-да толығымен сөндірілді. Зардап шеккендер мен қайтыс болғандар жоқ.
Өрттің шығу себебі мен материалдық шығынның көлемі анықталып жатыр", - делінген хабарламада.
Өртті сөндіруге Шымкент қаласы ТЖД Өрт сөндіру қызметінің 58 қызметкері мен 14 техникасы, Апаттар медицина орталығы филиалының 1 бригадасы жұмылдырылған.
791 рет оқылды
