Шығыс Қазақстан облысы Согра кентінде жоғалып кеткен бала табылды. Бұл туралы Ішкі істер министрлігінің баспасөз қызметі өзінің Telegram-арнасында хабарлады.
"ШҚО-да бала табылды. Ол аман-сау. Оны ЖҚАЖ қызметкері тапты", - делінген хабарламада.
Еске салайық, бұған дейін ШҚО-да аутизммен ауыратын 12 жастағы бала жоғалып кеткені хабарланған еді.
Облыстық Полиция департаменті баспасөз қызметінің мәліметінше, "102" арнасына хабарласқан азамат 14 тамыз түнгі сағат 02:30 шамасында үйінен белгісіз бағытқа шығып кеткен баласының табылмай жатқанын айтқан.
Оны іздеуге 500-ден астам адам тартылды. Полицейлер қызметтік иттерді де алып шықты. Ауылда жедел штаб құрылды.
842 рет оқылды
