Фото: ҚР ТЖМ баспасөз қызметі
Шығыс Қазақстан облысында газ баллонына жанармай құю станциясында жарылыс болды, деп хабарлайды "Ұлт ақпарат".
ҚР ТЖМ баспасөз қызметінің мәліметінше, 22 маусымда Шемонаиха қаласы Украинская көшесіндегі газ баллондарына жанармай құю станциясында болған жарылыс салдарынан өрт шыққан.
"Өрттен 5 бірлік техника жойылды. Сағат 14:44-те өрт оқшауланды.
Термиялық күйік алған 2 адам ауруханаға жеткізілді. Тұрғын үйлер мен орман қорына қауіп жоқ" - делінген ведомство хабарламасында.
Оқиға орнына 5 өрт сөндіру автокөлігі және жеке құрамның 12 адамы жұмылдырылған.
885 рет оқылды
