Алматы облысында пойыз бен автобустың соқтығысуынан зардап шеккен үш адам Қарасай аудандық ауруханасынан Алматыға ауыстырылды, деп хабарлайды "Ұлт ақпарат".
«Шамалған стансасындағы жол апатынан жарақат алған балалар Алматы қаласының №1 ауруханасына, анасы №7 ауруханаға жеткізілді», - деді Алматы облысы әкімінің баспасөз қызметінің хатшысы Ғалымұрат Жүкел.
Айта кетерлігі, бұған дейін Амандық Баталов Шамалғандағы апаттан зардап шеккендерге Алматыдан арнайы дәрігерлер шақырғанын мәлім еткен еді.
Естеріңізге сала кетейік, 15 қыркүйек күні Шамалған станциясында пойыз бен автобус соқтығысты. Оқиға орнында автобус жүргізушісі мерт болып, тағы 3 адам Қарасай аудандық ауруханасының жансақтау бөліміне түсті. Аталған факті бойынша ҚР ҚК 345-бабының 3-тармағы бойынша іс қозғалып, тергеу жүргізіліп жатыр. Істің тергелуін Бас көліктік прокуратура бақылауына алды.
1133 рет оқылды
