30 қаз, 2023 сағат 19:19

Шахтадағы апат: 14 кеншінің денесі жер қойнына тапсырылды

Фото: ©️ Tengrinews.kz / Тұрар Қазанғапов

Қарағандыда Костенко атындағы шахтада қаза тапқан 14 кенші жерленді. Ақпарат пен құрбандар тізімін "АрселорМиттал Теміртау" растады, - деп хабарлайды Tengrinews.kz сайты.

Тізімде жеке басы анықталған кеншілер көрсетілген:

Адампаев Ерболат Мұратұлы;
Шотаев Амангелді Мейрамұлы;
Мұсабеков Әсет Қанатұлы;
Жанзаков Айзат Айханұлы;
Алиякпаров Қуандық Серікұлы;
Кадиров Ринат Мубаракзянович;
Крайнов Олег Викторович;
Богатырев Илья Константинович;
Абилов Айбек Нұрғалиұлы;
Бобряшов Сергей Владимирович;
Шулевский Михаил Леонидович;
Петренко Владимир Ильич;
Крикунов Павел Александрович;
Магиев Жанболат Темиргалиевич.

Еске салайық, 28 қазанға қараған түні Қарағанды облысындағы Костенко атындағы шахтада жарылыс болды. Қаза тапқандар саны 45 адамға жетті. Соңғы, 46-шы кеншінің денесі әлі табылған жоқ.

Мемлекет басшысы Қасым-Жомарт Тоқаев Қарағанды облысындағы кеншілердің қазасына байланысты көңіл айтып, "АрселорМиттал Теміртау" компаниясымен ынтымақтастықты тоқтатуды тапсырды.

Кейін Үкімет "АрселорМиттал Теміртауды" Қазақстанның пайдасына беру бойынша мәміленің аяқталғанын хабарлады.