Сенат депутаттары Әли Бектаев пен Әлімжан Құртаев Түркістан облысына жұмыс сапары барысында Арыс қаласының тұрғындарымен кездесті, деп хабарлайды "Ұлт ақпарат" Сенаттың баспасөз қызметіне сілеме жасап.
Депутаттар әр тұрғынға 100 мың теңгеден беру бойынша жұмыс барысын, қираған үйлерді қалпына келтіру жұмыстарымен танысты. Сапар барысында шаһардағы жаңа стадионды қайта ретке келтіру мәселесі де көтерілді.
Депутаттар облыстағы ауыл шаруашылығы саласын дамытуға ерекше көңіл бөлді. Ордабасы мен Түлкібас аудандарына барғанда субсидиялау, ауыл шаруашылығына несие бөлу, мал өнімдерінің бағасын түсіру сияқты маңызды мәселелер қозғалды.
Сайрам ауданының тұрғындарымен өткен кездесуде мұғалімдер мәртебесін көтеру, комуналдық төлемдер құны, әлеуметтік медициналық сақтандыр туралы сөз болды.
Сондай-ақ, Парламент Сенатының депутаты Айгүл Қапбарова Шымкенттегі жұмыс сапары аясында атаулы әлеуметтік көмек арқылы үйінен тігін цехін ашып, оны дөңгелетіп отырған Тілләгүл Қарсыбаеваның шаңырағында болды.
«Күміс алқа» иегері Тілләгүл Тасболатқызы сенаторға қалай шағын кәсіпке келгенін әңгімеледі. Мемлекеттен берілген қаражатқа тігін машиналарын сатып алып, жұмысын бастаған.
Кездесу барысында А.Жарылқасынқызы мемлекеттік қолдау шараларының аясында көп балалы отбасылар жаңа мүмкіндіктерге ие болатынын айтып өтті.
Жалпы Шымкент қаласында атаулы әлеуметтік көмекті алуға 68 мың отбасы құжат тапсырып, оның 40 мыңға жуығына әлеуметтік көмек тағайындалған.
1496 рет оқылды
