1971 жылы ұрпаққа аманат етіп жазылған өсиет хатта майданда қаза тапқан ерлердің есімі көрсетіліп, соғыстан кейінгі халықтың тұрмысы баяндалған, деп хабарлайды ҚазАқпарат.
Жеңіс мерекесінің 77 жылдығы қарсаңында Сауран ауданы Жүйнек ауылдық округінде осыдан 50 жыл бұрын ұрпаққа аманат етіп жазылған өсиет хат салтанатты түрде ашылды.
Іс-шара барысында хатта жазылған жүйнектік 149 соғысқа қатысушының тізімі оқылды.
Бабалардың өсиет хатын 1971 жылы С. Азимова есімді ауыл тұрғыны жазып алып, арнайы капсуламен жерге көміп, сақтаған екен. Сол кезде 10-сынып оқушысы болған С. Азимова бүгінде 4 перзенттің аяулы анасы, 16 немеренің ардақты әжесі атанып отыр.
Аталған шараға Сауран ауданының әкімі Ғани Рысбеков, облыстық қоғамдық даму басқармасы «Қоғамдық келісім» КММ-нің басшысы Эльмира Жанғазиева, сондай-ақ этнос өкілдері, жастар мен жергілікті тұрғындар қатысты.
730 рет оқылды_140_110.jpg)
_80_80.jpg)
