Мемлекет басшысының Жолдауында берілген тапсырмаларды іске асыру барысында ҚР Сауда және интеграция министрлігі «Кейбір заңнамалық актілерге биржалық сауданы дамыту және жетілдіру мәселелері бойынша өзгерістер мен толықтырулар енгізу туралы» заң жобасын әзірледі, деп хабарлайды "Ұлт ақпарат" ведомствоның баспасөз қызметіне сілтеме жасап.
Сауда және интеграция министрлігінің Биржалық сауда басқармасының басшысы Мақсат Тұрсынбеков түсіндіруінше, заң жобасы негізгі үш бағыт бойынша биржаларды дамытуды көздейді.
Біріншіден, тауар биржаларының ашықтығына қойылатын талаптар күшейтіледі. Екіншіден, жағдайды өзгертуге және шын мәнінде бәсекелестік орта мен биржалық сауданы дамыту үшін жаңа жағдайлар жасауға елеулі әрекет жасалды. Үшіншіден, биржалық сауда көлемін ұлғайту міндеті қойылып отыр.
«Бірінші бағыт бойынша мынадай іс-шараларды білдіреді: жарғылық капиталды ұлғайту; биржалық сауданың бірыңғай қағидаларын бекіту; тауар биржаларының екі деңгейлі жүйесін енгізу; тауар биржалары мен биржалық саудаға қатысушылардың қаржылық тұрақтылығы бойынша талаптарды белгілеу», - деді толықтырды Мақсат Тұрсынбеков.
Оның йатуынша, екінші бағыт аясында бірқатар шара қарастырылған.
«Мысалы биржалық брокерлер мен тауар дилерлері үшін олардың бірнеше тауар биржаларына қатысуына тыйым салуды бір мезгілде алып тастай отырып, бірыңғай аккредиттеу айқындалады. Сондай-ақ клиенттердің делдалсыз бір реттік келуші ретінде биржалық сауда-саттыққа қатысуға қолжетімділігі көзделген. Тауарлар мен сауда-саттықты секциялар бойынша бөлу ескеріледі. Бұдан басқа, уәкілетті органға бір сауда сессиясында лоттың ең жоғары мөлшерін белгілеу бойынша өкілеттіктер берілетін болады», - деді сауда министрлігінің өкілі.
Ведомствоның мәлімдеуінше, үшінші бағыт секция түріне және жасалған мәмілелер көлеміне байланысты сараланған мөлшерлемелер орнатуға мүмкіндік береді және биржада мәмілелерді жасасуды да, шарттарды орындауды да сақтандыру құралы енгізіледі.
Заңнамаға осы толықтырулардың барлығын енгізу - бұл жобаны жасайтын құрылым, қолжетімді етеді және биржалық сауданың көлемін арттырады. Маңызды артықшылықтар ішінде - «табиғи» бағаларды белгілеу және жаңа серіктестерді тарту үшін мүмкіндік жасалатын болады, бұл бәсекелестік деңгейінің өсуіне әсер етеді. Тұрақты биржалық саланы қалыптастыру үшін маңызды дәлелдердің бірі - биржалық мәмілелердің ашықтығы, бұл жобада да ескерілген.
«Рәсімдік сәттерге келетін болсақ, 2021 жылғы 27 ақпанда мүдделі мемлекеттік органдармен және ұйымдармен келісілген заң жобасы ҚР Премьер-Министрінің кеңсесіне енгізілді, ал 2021 жылғы 17 наурызда ПМК жобаны Президент Әкімшілігіне жіберді. Бұдан әрі, заңнамалық ережелерге сәйкес, заң жобасы ҚР Парламентіне енгізіледі», делінген хабарламада.
1170 рет оқылды
