Бейсенбі күні Еуропалық одақ Ресей мұнайының импортына кезең-кезеңімен тыйым салуы мүмкін деген жаңалықтардың жариялануына байланысты және демалыс күндердің қарсаңында мұнай бағасы қымбаттады, деп хабарлайды ҚазАқпарат тілшісі Reuters-ке сілтеме жасап.
Бейсенбі күні Brent маркалы мұнай фьючерстері 2,92 долларға немесе 2,68%-ға өсіп, баррелі 111,70 долларға жетті. АҚШ-тың WTI мұнай фьючерстері 2,70 долларға немесе 2,59%-ға көтеріліп, баррелі 106,95 доллар деңгейінде болды.
Бұл - сәуір айының басынан бастап екі келісімшарттың алғашқы апталық өсімі. Бірнеше апта бойы бағалар 2020 жылдың маусымынан кейін алғаш рет құбылмалы болып отыр.
«Кезең-кезеңмен салынған тыйым еуропалық сатып алушыларды балама көздерді іздеуге мәжбүр етеді, олардың бір бөлігі жақын болашақта стратегиялық мұнай қорын пайдалана бастайды. Бірақ болашақта жер астынан көбірек жеткізу қажет болады», - деді Lipow Oil Associates-тен Эндрю Липоу Хьюстонда.
Агенттіктің хабарлауынша, әлемдегі ең ірі сауда үйлері келесі айда мемлекет бақылайтын ресейлік мұнай компанияларынан мұнай мен отын сатып алуды азайтуды жоспарлап отыр.
684 рет оқылды
