Нұр-Сұлтан қаласы Тауарлар мен қызметтер қауіпсіздігі және сапасын бақылау департаментінің басшысы Сәдуақас Байғабылов балалардың қызылшадан көз жұмуына әкелген асқынуға қатысты пікір білдірді, деп хабарлайды "Ұлт ақпарат".
«Ата-аналардың сау баласын қызылшаға қарсы вакцинациялаудан бас тартуы елорда халқының арасында қажетті иммун қабатшасының әлсізденуіне алып келеді. Салдарынан бұл қызылша вирусы халық арасына қарқынды тарап кетеді, ал екпе жасау жасына жетпеген немесе денсаулығына байланысты қарсы көрсетілімі бар балалар жұқпа алдында «қорғалмаған» болып саналады», - деді ол.
Қызылша вирусына шалдығу және ауыр асқыну салдарынан 2019 жылы Нұр-Сұлтан қаласында «қорғалмаған» 13 бала көз жұмды.
Қызылшаның алдын алуда және ауыр ауысқынуды болдырмаудағы шешуші фактор – екпе егілетін балалардың кем дегенде 95% вакцинациялау.
1416 рет оқылды
