Рудный тұрғыны екі елдің азаматтығын алғаны үшін жауапқа тартылды, – деп хабарлайды Polisia.kz.
56 жастағы әйел 10 жылдан астам уақыт көші-қон саласындағы заңнаманы бұзып келген. Қос азаматтығы үшін енді ол 600 мыңнан теңгеден астам айыппұл төлеуі тиіс.
"Қос азаматтыққа қарсы іс-қимыл мәселесі бүгінгі күні өзекті болып отыр. Қостанай облысының аумағында көптеген фактілер анықталып жатыр. Рудный қаласының әкімшілік істер жөніндегі мамандандырылған соты 10 жылдан астам Қазақстан Республикасы және Ресей Федерациясының азаматтығы бар 56 жастағы әйелді жауапқа тартты. Енді ол 612 мың теңге көлемінде айыппұл төлеуге тиіс", – деп түсіндірді Қостанай облысы ПД Көші-қон қызметі басқармасының бөлім бастығы Ринат Сыздықов.
Мұндай деректерді анықтау және жолын кесу үшін тұрақты негізде облыстық көші-қон қызметіне мүдделі мемлекеттік органдардан қандай да бір азаматтарда қос азаматтықтың бар екендігі туралы мәліметтер келіп түседі. Бұл ақпаратты тиісінше көші-қон қызметінің мамандары тексереді.
"Қазақстанда және сонымен бір мезгілде шет мемлекеттің аумағында зейнетақы төлемдерін алатын адамдарды анықтау бөлігінде Зейнетақы төлеу жөніндегі мемлекеттік орталықтармен, ҚР ҰҚК Шекара қызметінің қызметкерлерімен, сондай-ақ басқа да мемлекеттік органдармен бірлескен жұмыс жүргізіліп жатыр", – деп түйіндеді Ринат Сыздықов.
Айта кету керек, осы жылдың жеті айында 39 азамат әкімшілік жауапкершілікке тартылды, оның 7-і елден шығарылып, 5 жыл ішінде Қазақстан аумағына кіру құқығы шектелді.
622 рет оқылды
