Сурет: Instagram/danial.akhmetov.official
Шығыс Қазақстан облысы Риддер қаласындағы жылу электр орталығынан өрт шықты, деп хабарлайды ҚазАқпарат порталы.
Әлеуметтік желіде Риддер қаласындағы жылу электр орталығы өртеніп жатқандығы түсірілген видео тарады.
Аймақтық ТЖД баспасөз қызметі өрт шыққанын растады. Бірақ сол жерде облыс әкімдігінің жедел штабы құрылғандықтан, әзірге ақпарат бере алмайтындықтарын айтты.
Облыстық Қоғамдық даму басқармасы қызметкерлерінің мәліметінше, қазіргі уақытта өртпен күрес жалғасып жатыр.
«Аймақ басшысы Даниал Ахметов сол жерге жолға шықты. Штаб отырысының қорытындысынан кейін қосымша ақпарат беріледі», - деді басқарма өкілдері.
Еске салсақ, өткен жылдың соңында Риддердегі жылу қазандығынан ақау шығып, қалада төтенше жағдай жарияланған. Сондай-ақ биыл 4 қаңтарда Риддер жылу электр орталығындағы стансада тағы да апат болды.
798 рет оқылды
