Фото: Polisia.kz
Павлодарлық жедел уәкілдер 13 жыл бойы іздеуде жүрген 67 жастағы әйелді ұстады, ол алаяқтық жасағаны үшін соттан жасырынған, – деп хабарлайды Polisia.kz.
Кәсіпкер ханым 2006 жылы Алматы қаласында мемлекеттік бағдарлама бойынша тұрғын үйді ресімдеу бойынша қызметтерді ұсына отырып, бір әйелді 36 миллион теңгеге алдаған. Күдіктінің уәделерінен әбден көңілі қалған жәбірленуші шыдамы таусылып, полицияға жүгінген. Ал 2010 жылдан бері күдікті мүлде жоғалып кеткен.
"Күдікті іздестірілді. Жедел-іздестіру іс-шараларының нәтижесінде жедел қызметкерлер күдіктіні Екібастұз қаласында ұстады. Қазіргі уақытта ол уақытша ұстау изоляторында. Іздестіру бастамашысына ұсталғаны туралы хабарланды", – дейді Павлодар облысының полиция департаменті баспасөз қызметі.
Ведомство мәліметінше, құқық бұзушыларды іздестіру жұмыстары полиция басшылығының ерекше бақылауында. Тек осы жылы павлодарлық жедел уәкілдер 126 қылмыскерді іздестірген.
"Сот төрелігінен жасырудың мағынасы жоқ. Қашқындар сот төрелігі үшін қол жетімсіз болып, өз қалалары мен елдерінен тыс жерде жасырынып жүрсе де, олар жасаған әрекеттері үшін әлі де жауап беруі керек", – деп атап өтті полиция.
539 рет оқылды
