Самарқандағы жеке емханалардың бірінде заңсыз аборт жасалып келген: жаңа туған нәрестелерді сатқан, ал әлсіз балаларды өртеген. Атышулы бұл іс туралы Өзбекстан Бас прокуратурасының аясындағы "Хукук" газеті хабарлады.
Ақпанның соңында емхананың бас дәрігері Нигору Салихановты (балалар дәрігері) 13 жыл екі айға, акушер-гинеколог Д.Нажимоваты 12 жыл алты айға бас бостандығынан айырған.
Жазадан басқалары да құтыла алмады. Перзентхана кешенінде жұмыс істеген Нажимова негізгі байланыс көзі болған. Ол аборт жасатқысы келген, бірақ дәрігерлер түсік жасатуға кеңес бермеген әйелдер осы маманға хабарласып, мәселесін шешіп отырған.
Нажимова заңсыз қызметі үшін ақысын келіскеннен кейін оларды Салихановтың жеке емханасына жатқызған. Түсік жасауға түрлі әдістер қолданылған, ал түскен қаражат осы топ мүшелеріне үлестіріліп отырған. Осы топтың тағы бір мүшесі Э.Салиханова болса бала асырап алуға дайын азаматтармен байланыс орнатумен айналысқан. Тірі қалып, жағдайы тұрақты болған сәбилерге аборттан кейін жалған құжат жасалып, жаңа ата-анасына сатып отырған. Ал сатып алушысы табылмаған сәбилерді қасақана қараусыз қалдырған. Ал денелерін медициналық қалдықтарды өртеуге арналған пешке жағып отырған.
Газет бала сатудың бірнеше дерегін келтіріп отыр. 2014 жылдың ақпанында Салиханова жаңа туған сәбиді 2500 долларға сатқан. Ал мамырда қылмыстық топ жаңа отбасына сәби сатуға уәде берген. Жүкті келіншектердің біріне жасанды түсік жасату жолын қолданып, 500 доллар және 200 мың сомға сатқан.
Бас прокуратура газеті осындай адам өлтіру оқиғаларын тізіп отыр. Балалардың мәйітін Салихова Нажимова жұмыс істейтін кешенге жіберіп отырған, ал ол өз кезегінде балаларды пешке жағумен айналысқан.
Сот кезінде 2016 жылы емханада жұмыс істеген еден жуушы сұмдық жағдайды айтып берді.
"Біз әріптесімізбен әйелдердің бала босанғанынан кейін жұмыс істейтінбіз, оларға көмектесіп, жағдайын қарайтынбыз. Жаңа туған балалардың денесін матаға орап, 18-ші бөлмедегі тоңазытқышқа салатынбыз. Бала тірі қалатынын байқасақ, оны пеші бар жылы бөлмеге жатқызатынбыз. Одан кейін тірі қалған және өліп кеткен балалардың қайда жіберілгенін білмеймін", - деді куәгер.
5151 рет оқылды
