Қостанай облысындағы Бағаналы ауылының тұрғындары өрт қаупіне байланысты эвакуацияланып жатыр, - деп хабарлайды "Ұлт ақпарат" Төтенше жағдайлар министрлігінің баспасөз қызметіне сілтеме жасап.
"Халықтың қауіпсіздігін қамтамасыз ету мақсатында Озерное ауылынан (250 адам), Аманқарағай ауылының солтүстік бөлігінен (1000 адам), Калинино ауылынан (228 адам) және Лесное ауылынан (363 адам) барлығы 1841 адам эвакуацияланды.
Желдің күшеюі себеп боп, өрттің орман алқабынан ауылға өту қаупіне байланысты Бағаналы ауылын қорғауға басқа учаскелерден күштер мен құралдарды қайта топтастыру жүргізіліп жатыр.
Қазіргі уақытта екі өрт ошағы жанып жатыр. Жергілікті атқарушы органдар Бағаналы ауылынан 11 адамды, оның ішінде 2 баланы Қазанбасы ауылына эвакуациялады. Оқиға орнында ТЖМ 10 бірлік техника, жеке құрамнан 52 адам, 4 әуе кемесі (ТЖМ-3, ҚМ-1), ЖАО 5 бірлік техника, 14 адам, ҚМ 9 бірлік техника, ҰҰ 400 адам жұмыс жасап жатыр.
Жергілікті атқарушы органдар эвакуацияланғандарды Әулиекөл орта мектебі мен Әулиекөл мектеп-интернатына орналастыруды ұйымдастырды, эвакопунктерде 66 адам бар, қалғандары өз үйлеріне оралып, туысқандарына орналастырылды", - делінген хабарламада.
Министрлік мәліметінше, өрт сөндіру жұмыстары бес ауданда - Аманқарағай, Лесное, Озерное, Бағаналы және Калинино ауылдары аймағында, орман алқабының жалпы ұзындығы 5 шақырым болатын аумақта жүргізіліп жатыр. Барлығы 91 тұрғын үй зардап шеккен: Аманқарағай ауылында - 85, Озерный ауылында алтауы.
"Өртті сөндіруге 224 бірлік техника, 7 әуе кемесі (ТЖМ – 4 тікұшақ, Қазавиалесохран – 1 АН-2 ұшақ, МО – 2 тікұшақ), 5 өрт сөндіру пойызы, жеке құрамнан 2193 адам күштер мен құралдар жұмылдырылды: ТЖМ - 82 бірлік техника, жеке құрамның 418 адамы, 4 тікұшақ суағар құрылғыларымен (Нұр-Сұлтан қ., Ақмола, Қостанай, Солтүстік Қазақстан облыстарының ТЖД, ә/б 52859 (Қарағанды қ.)); ІІМ - 61 бірлік техника, жеке құрамның 1000 адам; ҚМ - 1 бірлік техника, жеке құрамнан 175 адам, суағар құрылғыларымен 2 тікұшақ; ЭГТРМ (РМҚК "Казавиаорманкүзеті "және Орман шаруашылығы) - 42 бірлік техника, 118 адам, 1 әуе кемесі; ЖАО - 38 бірлік техника, 123 адам; ЕӨҚ, еріктілер – 338 адам;" ҚТЖ " АҚ - 5 өрт сөндіру пойызы, 21 адам жұмылдырылды", - деп толықтырды ТЖМ өкілдері.
Сондай-ақ, қоғамдық тәртіпті қорғауға Ішкі істер министрлігінің жеке құрамынан қосымша 300 адам жұмылдырылған.
10 адам (5 адам, оның ішінде бір кәмелетке толмаған адам, орман шаруашылығының 1 қызметкері, әкімдіктің 1 қызметкері, ТЖМ 3 қызметкері) жарақат, күйік алып, жеңіл және орташа ауырлықтағы улану оқиғаларына ұшырады, 1935 жылғы туған бір адам қаза тапты.
Су құю құрылғылары үшін тікұшақтармен су алу табиғи су қоймасынан 25 км қашықтықта жүргізіледі. Өрт сөндіру жұмыстары басталған бері әуеден 109 рет су шашылды.
"Қазгидромет" РМК деректері бойынша 5 қыркүйекте Қостанай облысы Әулиекөл ауданының аумағында жоғары температура 31 градусқа дейін сақталады, желдің жылдамдығы секундына 7 метрге дейін жетеді.
4 қыркүйекте өрт аумағы 43 мың гектардан асты, орман шаруашылығының жалпы ауданы - 107 257 га.
ТЖМ мен Қостанай облысының ТЖД жедел желі жұмыс істейді, психологтарының жұмысы ұйымдастырылды. ТЖМ жедел желісіне ақпараттық сипаттағы 34 қоңырау келіп түсті. Сонымен қатар, Қостанай облысы ТЖД 2 психологы, Қостанай облысы ПД 3 психологы және "Сарыарқа Автопром" ЖШС 3 психологы Әулиекөл ауданының эвакопунктерінде халыққа шұғыл психологиялық көмек көрсетуде. 57 адамға және топтық жұмыс форматында 45 балаға консультативтік көмек көрсетілді.
Төтенше жағдайлар жөніндегі комиссия отырысының хаттамасы және Қостанай облысы әкімінің жергілікті ауқымдағы төтенше жағдайды жариялау туралы шешімі әзірленді және қол қойылды.
Новонеженка ауылында ҚР ТЖМ 52859 әскери бөлім күшімен зардап шеккен халықты қабылдау үшін палаталар тігілді.
Суағызу құрылғылары бар Нұр-Сұлтан қаласында ҚР ҚМ 3 әуе кемесі әзірлікте тұр.
Нұр-Сұлтан қаласында Мәжіліс депутаттарының бастамасы бойынша зардап шеккендерге гуманитарлық көмек көрсететін колонна құрылуда.
596 рет оқылды
