«Жолаушылар тасымалы» АҚ «Орал – Алматы-2» бағытындағы №52 жолаушылар пойызының неге тоқтап қалғанын түсіндірді, деп хабарлайды "Ұлт ақпарат" компанияның баспасөз қызметіне сілтеме жасап.
5 ақпан күні сағат 21.07-де «Орал – Алматы-2» бағытындағы №52 жолаушылар пойызы техникалық ақауға байланысты «Қарағанды – Ағадыр» (Қарағанды облысы) учаскесінің «Нілді – Айса» аралығында тоқтап қалды.
«Жөндеу жұмыстарын жүргізу үшін 182 жолаушы келе жатқан, құрамында 29 вагоны бар жолаушылар құрамын Қарағанды стансасына қайтару туралы шешім қабылданған. «Орал – Алматы-2» қатынасындағы №52 жолаушылар пойызының ары қарай жүруі сонымен тоқтады. Аталған ақау пойыз қозғалысының қауіпсіздігіне әсер етуі мүмкін еді. Ақау екі вагон аралығынан табылып отыр. Оны «ҚР-дағы Patentes Talgo S.L.» испандық компанияның мердігер ұйымының мамандары жояды» делінген хабарламада.
«Орал – Алматы-2» қатынасындағы №52 жолаушылар пойызы Қарағанды станциясына шамамен 11:30-да келеді.
«Қарағанды станциясына келгеннен кейін №52 пойыз жолаушылары «Жолаушылар тасымалы» АҚ билет кассаларынан жол жүру құжаттарының 100% құнын өндіріп ала алады. Сондай-ақ Алматыға жол тартқан жолаушыларға «Қостанай-Алматы-1» қатынасындағы № 44 және «Нұр-Сұлтан-Нұрлы жол-Алматы-2» қатынасындағы жолаушылар пойызына мініп, сапарын жалғастыра алады» деп мәлім етті компаниядан.
Құрам тоқтап тұрған уақытта жолаушылар пойыздың вагон-мейрамханасында ыстық тамақпен қамтамасыз етіледі. Орын алған жағдай барлық құзырлы құрылымдардың жіті бақылауында.
«Жолаушылар тасымалы» АҚ келтірілген қолайсыздық үшін кешірім өтініп, түсіністік пен шыдамдылық таңытқан жолаушыларға алғыс айтады.
1165 рет оқылды
_140_110.jpg)
_80_80.jpg)
