Оралда тұрғын үйдегі өрттен 48 адам эвакуацияланды, соның жетеуі - балалар, деп хабарлайды "Ұлт ақпарат".
БҚО ТЖ департаментінің баспасөз қызметінен түскен мәліметке қарағанда, оқиға кеше сағат 23.50-де Гагарин көшесі 2/8 мекенжайында орналасқан 9 қабатты үйде орын алды.
Осы үйдің 6-қабатындағы 25-пәтерде жеке заттар мен терезе жақтауы жанған.
Өрт сөндірушілер 34 адамды (жетеуі - балалар) сыртқа шығарған. 14 адамды құтқарушылар эвакуациялаған.
«Өрт бүгін түнгі сағат 00.20-да сөндірілді», деп хабарлады ҚазАқпарат тілшісіне департаменттің баспасөз қызметінен.
Еске сала кетейік, бұдан бұрын БҚО-да мал іздеуге шыққан тұрғындардың адасып кеткенін жазған болатынбыз.
1472 рет оқылды
