Оралда ер адам шатырдан түскен мұз кесегінен қаза болды, - деп хабарлайды "Уральская Неделя".
БҚО Денсаулық сақтау басқармасының басшысы Қанат Төсекбаев бұл оқиғаның бүгін, 28 наурызда болғанын айтады.
"Гумар Караш көшесінде төтенше жағдай болды - орта жастағы ер адамға мұз түсіп кетті. Ер адам оқиға орнында қаза болды. 2 минутта оқиға орнына келген жедел жәрдем қызметкерлері ер адамның өлімін тіркеді", - деп хабарлады Қанат Төсекбаев.
Дәрігердің айтуынша, ер адамның қанша жаста болғаны және осы оқиғаның басқа да мән-жайы анықталып жатыр.
2133 рет оқылды
