Оралда ауа райына байланысты әуежай жабылды, деп хабарлайды "Ұлт ақпарат".
«Орал» халықаралық әуежайынан мәлім еткеніндей, әуежай жергілікті сағат 14.00-ге дейін жабылды.
Fly Arystan ұшағы Оралдан Алматыға түнгі сағат 00.20-да ұшуы тиіс еді. Бұл рейс сағат 17.35-ке қалдырылды.
Ал Нұр-Сұлтан қаласынан Оралға ұшып келуі тиіс Эйр Астана рейсі келмейтін болды.
Fly Arystan ұшағының уақытында ұшпағаны жөнінде Әлия Жамитова есімді жолаушы Facebook-тегі парақшасында жазды.
Оның айтуынша, рейс алдымен түнгі сағат 02.00-ге дейін кідіртілген. Содан кейін Fly Arystan өкілдері сағат 17.35-те ұшатындарын айтып, ешқандай қонақүй берілмейтінін хабарлаған. Ә.Жамитова «Орал» әуежайының ескі ғимаратында ешқандай жағдай жасалмағандығын жеткізді.
1453 рет оқылды_140_110.jpg)
_80_80.jpg)
