Өңірлерге сұйытылған газ жеткізу жоспарына түзету енгізілді, деп хабарлайды "Ұлт ақпарат" Энергетика министрлігінің баспасөз қызметіне сілтеме жасап.
Бұдан бұрын Атырауда көлікке құятын газ тапшылығы туындаған еді.
Атырау мұнай өңдеу зауытындағы каталитикалық крекинг қондырғысының істен шығуына байланысты сұйытылған мұнай газы өндірілмейді.
Зауыттағы қондырғыны қалпына келтіру наурыздың соңына дейін жалғасқалы отыр.
Энергетика министрлігі осыған байланысты наурыз айына сұйытылған мұнай газын жеткізудің түзетілген жоспарын қайта жасақтады.
Онда аталған зауытқа бекітілген өңірлер басқа зауыттардың ресурстарына қайта бөлінді.
«Атап айтқанда, Алматы, Қарағанды, Солтүстік Қазақстан, Жамбыл облыстары мен Нұр-сұлтан, Алматы қалаларына сұйытылған газ жеткізу «ПетроҚазақстанОйлПродактс» ЖШС-не жүктелді. Ал, Қостанай мен Маңғыстау облыстарына «СНПС-Ақтөбемұнайгаз» АҚ жеткізеді. Атырау облысын «Теңізшевройл» ЖШС, Батыс Қазақстан облысын «Жайықмұнай» ЖШС қамтитын болады. Қазір қайта түзетілген жоспарға сәйкес газ желісі ұйымдары мен жеткізуші зауыттар арасында шарттар жасау жүргізілуде. Осылайша, өңірлердің сұйытылған мұнай газына қажеттілігі жоспарлы көлемде қамтамасыз етіледі» деп хабарлады министрліктің баспасөз қызметінен.
1022 рет оқылды
_140_110.jpg)
