Оңтүстік Қазақстан облысында "экстремистік бағыттағы материалдарды ғаламтор және әлеуметтік желілер арқылы таратты" деген күдікпен 12 адам ұсталды, деп хабарлайды "Ұлт ақпарат" Азаттыққа сілтеме жасап.
31 қаңтар күні ҰҚК-нің Оңтүстік Қазақстан облысы бойынша департаменті жаппай ұстау операциясы туралы мәлімдеме таратты.
Департаменттің хабарлауынша, ҰҚК мен Ішкі істер департаментінің қызметкерлері ұйымдастырған арнайы операция кезінде Түркістан, Арыс, Кентау қаласы мен Шардара, Созақ және Түлкібас ауданының тұрғындары ұсталған. Олар "ғаламтор және әлеуметтік желілерде экстремистік бағыттағы материалдарды тарату арқылы діни алауыздықты қоздырды" деген күдікке ілінген.
Арнайы қызмет пен полиция ұсталғандардың Қылмыс кодексінің 174-бабы («Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру») бойынша тергеліп жатқанын айтады. Ұсталғандардың аты-жөндері әзірге жарияланбады.
3109 рет оқылды
