Елорданың қалалық мәслихаты бас қаланың дизайн-код жобасын бекітті, деп хабарлайды "Ұлт ақпарат".
«Нұр-Сұлтан қаласының дизайн-коды қалалық мәслихатта бекітілді. Бұл жұмыс ҚР Президенті Қасым-Жомарт Тоқаевтың қойған тапсырманың нәтижесі. Мемлекет басшысы қала әкімдігіне елорда ғимараттары мен көшелерінің бірыңғай дизайн-кодын жасауды тапсырды. Дизайн-код дегеніміз біркелкі, қауіпсіз және ыңғайлы қалалық ортаны қалыптастырудың ережесі мен сипаттамасы. Аталған құжат қала құрылысы кеңістігі мен оның тетіктерін рәсімдеуді регламенттейді. Дизайн-кодтың міндеті қоғамдық кеңістікті құру және адамдар үшін жайлы қала қалыптастыру», - делінген Нұр-Сұлтан қаласы Сәулет, қала құрылысы және жер қатынастары басқармасының хабарламасында.
Басқарманың мәліметіне сү йенсек, дизайн-кодтың аясында елорданың 2387,3 шақырымды құрайтын көше жолы желісі топтастырылды.
«Сондай-ақ, қаланың жалпы бояу түстеріне талдау жасалды. Оның барысында ғимарат қасбеттерінің реңіне қатысты бірнеше проблемалар анықталды. Және дизайн-кодта жарнама орнату мен ғимарат қасбеттеріне инженерлік жүйені тартудың ережелері әзірленді», - деп жазылған ақпаратта.
1642 рет оқылды_140_110.jpg)
_80_80.jpg)
