Елорда әуежайының ұшу-қону жолағына жөндеу жұмыстары жүргізіледі, деп хабарлайды "
«23 және 24 қыркүйек күндерін қоспағанда қыркүйектің 13-інен 30-ына дейін Нұрсұлтан Назарбаев халықаралық әуежайының ұшу-қону жолағы сағат сағат 09:00-13:00 аралығында жоспарлы ағымдық жұмыстарға жабылады. Ұшу-қону жолағының аталған кезеңде жабылуы сол уақыттардың аралығында орындалатын рейстер санының аз болуымен байланысты. Сол себепті ұшулардың орындалуына әсер етпейді. Енгізілген шектеулер жайында барлық мүдделі әуе компаниялары мен әуе кемелерін пайдаланушылар хабарланды», - делінген Нұрсұлтан Назарбаев халықаралық әуежайы таратқан ақпаратта.
Әуежай әкімшілігі ұшу-қону жолағын жөндеу жұмыстарына байланысты туындаған уақытша қолайсыздыққа түсіністікпен қарауды сұрайды.
1486 рет оқылды
