ҚР Тұңғыш Президенті Нұрсұлтан Назарбаев Теміртауда металлург болып еңбек етіп жүрген кезін есіне алды. Елбасының баспасөз қызметі осындай шағын видео жариялады, деп хабарлайды "Ұлт ақпарат".
«Бүгін біздің «Елбасы туралы фактілер» айдарында «Теміртауда жас металлург Нұрсұлтан Назарбаевқа заманға сай жеке жылытылған пәтер бөліпті деген сөз рас па?» деген сұрақ қойылды», - деп жазады Тұңғыш Президенттің баспасөз қызметі Instagram-дағы парақшасында.
Бұл сұраққа Нұрсұлтан Назарбаев «жоқ» деп жауап береді.
«Ол кезде жатақханалар тар еді, төрт жігіт жерге төсек салып жататынбыз. Үш-төрт жігітке көрпе жетпей, түнде суық кезде қалған матрастарды үстімізге жауып алатынбыз. Осылай ұйықтайтын едік. Өте суық болатын. Теміртауды білесіздер ғой. Батарея суық. Жылытылмайды. Құрылыс жұмыстарының алаңында да сол. Брезент арнайы киімді кептіріп қойып, екінші күні кисең, дымқыл болып тұратын. Үстіңе киіп алсаң, мұз сықыр-сықыр етіп, ери бастайды. Бұның бәрі басымыздан өтті», - дейді Елбасы.
1414 рет оқылды
