Фото: Tengrinews.kz
Энергетика вице-министрі Асхат Хасенов "Қаламқас-теңіз, Хазар, Әуезов" жобасына қатысу үшін "ҚазМұнайГаз" серіктесі болып неге ресейлік "Лукойл" компаниясы таңдалғанын түсіндірді, - деп хабарлайды Tengrinews.kz сайты.
Оның айтуынша, "Лукойл" ниет білдіріп, жақсы жағдай жасаған.
"Осыған байланысты ол ҚМГ үшін стратегиялық серіктес ретінде анықталды. Қазақстанға қандай пайда болады? Бірінші кезекте, біз осы кен орнын игеруді ұзақ күттік. Бір кездері оны Каспий жобасы бойынша келісім аясында игеруді жоспарлағанымызды білесіз, бірақ оны игеруге экономикалық ынталандыру болмағандықтан, бұл жоба мемлекетке қайтарылды. Себебі экономикалық тиімділігі төмен болғандықтан. Сондықтан фискал және норматив преференциялар беруді көздейтін жетілдірілген үлгілік келісімшарт механизмі енгізілді", - деп түсіндірді Хасенов ОКҚ баспасөз мәслихатында.
Ақпанда "ҚазМұнайГаз" бен "Лукойл" Каспий теңізінің қазақстандық секторындағы "Қаламқас-теңіз, Хазар, Әуезов" жер қойнауы блогын игеру жобасы бойынша бірқатар келісімдерге қол қойылды.
826 рет оқылды
_140_110.jpg)
