Қазақстан Президенті Қасым-Жомарт Тоқаев Іле-Алатауы мемлекеттік ұлттық табиғи паркіне заңсыз берілген жерлерді қайтаруды тапсырды, деп хабарлайды "Ұлт ақпарат".
«Іле-Алатауы ұлттық паркінің басшылығы жеке тұлғаларға жерді заңсыз беруінің, учаскелердің мақсатсыз қолданылуының фактілері бар. Жеке тұлғаларға 20 гектардан астам 67 жер бөлігі заңсыз берілген. 58 жер телімінің 24-і мақсатсыз пайдаланылған. Экология, геология және табиғи ресурстар министрлігіне әкімдікпен бірге әрбір фактінің мән-жайын анықтап, заңсыз берілген жерлерді қайтару бойынша нақты шаралар қабылдауды тапсырамын», - деді Президент Алматыны әлеуметтік-экономикалық дамытуға арналған отырыста.
1254 рет оқылды
