20 сәу, 2023 сағат 15:14

Қызылордада жеке тұрғын үйде жарылыс болды - видео

Сурет: Қызылорда облысы ТЖД

Қызылордада жекеменшік үйде газ жарылып, бір адам зардап шекті, деп хабарлайды "Ұлт ақпарат" облыстық ТЖД баспасөз қызметіне сілтеме жасап.

19 сәуірде сағат 10:58-де Қызылорда қаласы, Яншина көшесінде орналасқан жеке тұрғын үйде газ жарылып, салдарынан аумағы 182 шаршы метр ғимарат өртеніп, қирап қалды. Әрі қарай өрт осы үй аумағында орналасқан 60 шаршы метрлік уақытша құырылыс нысанына тараған.

"Құтқарушылар келгенге дейін жедел медициналық көмек бригадасымен Өзбекстан Республикасының 1984 жылы туған азаматы П. Ж. І-дәрежелі күйік диагнозымен (беті, қолы, мойны - авт.) қалалық ауруханаға жеткізілді.

Оқиға орнында штаб құрылып, тиісті өрт сөндіруді ұйымдастыру жұмыстары атқарылды.

Өрт сағат 12.09-да толық ауыздықталды. Оқиғаның себебі анықталып жатыр", - делінген хабарламада.

Оқиға орнына Қызылорда облысы ТЖД-ның 25 қызметкері және 5 техникасы, медицина орталығының 4 қызметкері және 1 техникасы, "ҚазТрансГазАймақ" АҚ-ның 3 қызметкері және 1 техникасы, "КРЭК" АҚ, сондай-ақ, жергілікті полиция қызметі басқармасының қызметкерлері жұмылдырылған.