Фото: © Pixabay / Zezya
Қызылорда қаласына жақын маңда адам қаңқасы табылды, деп хабарлады "Ұлт ақпарат" Polisia.kz Telegram-арнасына сілтеме жасап.
Полиция қаңқаны ескі қорымнан шығып қалған болуы мүмкін деп болжап отыр.
"Қызылорда қаласы Белкөл кентіне қарасты далалық жерге жүргізілген қарап-тексеру барысында адам сүйектеріне ұқсайтын бөліктер табылып, айғақты зат ретінде алынды.
Оқиға орнына жақын жерде мазарлар бар. Болжам бойынша, адам сүйегіне ұқсайтын заттар табылған орын ескі қорым болуы мүмкін.
Тиісті сараптамалар тағайындалды" - делінген хабарламада.
Тергеу мүддесі үшін өзге ақпарат жария етуге жатпайды.
909 рет оқылды
