Биылғы жылғы 1 сәуірде Нұр-Сұлтан қаласына Наньнин қаласының Гуанси-Чжуан автономиялық ауданының (ГЧАА) әкімшілік орталығынан пилоттық контейнерлік пойыз келді.
Жаңа қызмет «Бір белдеу - бір жол» қазақстандық – қытайлық бастаманы іске асыру шеңберінде ұйымдастырылды, деп хабарлайды "Ұлт ақпарат" «Қазақстан темір жолы» ұлттық компаниясының баспасөз қызметіне сілтеме жасап.
Контейнерлік пойыз 17 наурызда Наньнин халықаралық теміржол портынан жолға шығып, 5 мың шақырымнан астам жолды жүріп өтіп, ауыр құрылыс техника артылған 49 қырық футтық контейнерді жеткізді.
«KTZ Express» АҚ Қытайдағы өкілдігінің басшысы Нұрсұлу Жолбасқанованың айтуынша, жаңа логистикалық арна жүкті жеткізу уақытын 3 есе үнемдеуге мүмкіндік берді. Бұрын Құрылыс техникасы автомобиль көлігімен тасымалданатын. Жеткізу уақыты 45 күннен асатын.
910 рет оқылды
