Инвестиция және даму министрлігі қырғыз тасымалдаушылары тарапынан жүк-көлік заңын бұзу фактісі көбейгенін хабарлады, деп жазады "Ұлт ақпарат" министрліктің баспасөз қызметіне сілтеме жасап.
Министрлік таратқан ақпарат бойынша, 1 қараша сағат 07.00-ден 2 қарашаға дейінгі тексеріс кезінде 149 қырғыз көлігі 16 рет ереже бұзған.
«Оның ішінде тез бұзылатын жүктерді халықаралық тасымалдау үшін талап етілетін куәлік, тауар-көлік жүкқұжатының болмауы (CMR), ауқымды жүк салмағының артықтығы сияқты заңбұзушылықтар жиі кездеседі. Жиналған айыппұл суммасы 152 303 теңге», - деп хабарлады Министрліктің баспасөз қызметі.
Ресми деректер бойынша анықталған заң бұзушылықтар Қырғыз Республикасы тарапына жолданды.
3645 рет оқылды
