Шығыс Қазақстан облысындағы Курчатов қаласының жаңа әкімі болып Олег Чугунков тағайындалды, деп хабарлайды ҚазАқпарат.
Бүгін жергілікті мәслихат сессиясында жаңа әкімді облыс әкімінің бірінші орынбасары Алмасхан Сматлаев таныстырды.
Олег Васильевич 1977 жылы туған. Семей педагогикалық және Семей гуманитарлық институттарын тәмәмдаған.
Әр жылдары Өскемен қаласы әкімінің баспасөз хатшысы, білім бөлімінің басшысы болып қызмет етті. ШҚО Талдау және болжау институтының бөлім меңгерушісі болып еңбек еткен.
2019 жылдан бастап осы уақытқа дейін «Nur Otan» партиясы Шығыс Қазақстан облыстық филиалы төрағасының бірінші орынбасары қызметін атқарды.
Алмасхан Сматлаев өз сөзінде Олег Чугунковтың осындай жауапты қызметке тәжірибесі жеткілікті екенін атап өтіп, Курчатов қаласындағы депутаттар мен қоғам белсенділерін халықпен тығыз байланыста жұмыс істеуге шақырды.
645 рет оқылды_140_110.jpg)
_80_80.jpg)
