Бүгін Орталық коммуникациялар қызметінде ҚР Бас прокуратурасы 1-қызмет бастығының орынбасары Елдос Қилымжанов құқық қорғау органдарының заңсыз әрекеттеріне қатысты өтініштер тексеріліп жатқанын айтты, деп хабарлайды ҚазАқпарат.
«Құқық қорғау органдарының заңсыз әрекеттеріне қатысты өтініштерді тексеруге ерекше көңіл бөлініп отыр. Қазіргі уақытта прокуратураға осындай 363 шағым түсті. Сыбайлас жемқорлыққа қарсы қызметінің қарауында тергеудің рұқсат етілмеген әдістері туралы 178 қылмыстық іс бар. Арнайы прокурорлармен 8 қылмыстық іс тергеуге алынды. Оның ішінде Атырау қаласындағы «Динамо» стадионында ұсталғандар мен болған оқиға, Алматы облысының полиция ғимаратындағы Батырбаевтың, кәмелет жасқа толмаған Есболатұлының және басқаларға күш қолдану туралы арыздары, сондай-ақ, өзге де қоғамдық резонанс тудырған фактілер», - Қилымжанов.
Оның айтуынша, әрбір қылмыстық іс бақылауда тұр. Нақты нұсқаулар берілді. Процес прокурорлары тағайындалды.
646 рет оқылды
_80_80.jpg)