Қостанайда полицейлер автобус дөңгелегі астына түсіп қаза тапқан белгісіз қыздың кім екенін анықтады, - деп хабарлайды Tengrinews.kz агенттігі.
Қаза болған 12 жастағы мектеп оқушысы екені белгілі болды. Қыз жолды жаяу жүргіншілер өткелінен кесіп өткен.
Полицияның хабарлауынша, ҚР Қылмыстық кодексінің 345-бабы "Жол қозғалысы ережелерін бұзу" бойынша сотқа дейінгі тергеу жүргізіліп жатыр. Жүргізуші уақытша ұстау изоляторында.
Тәртіп сақшылары азаматтарға жол қауіпсіздігі ережелерін сақтау керек екенін тағы бір рет ескертті.
893 рет оқылды
