Қазіргі уақытта Қостанай облысындағы 2 елдімекенде, М-36 Республикалық трассасының бойында, сондай-ақ орман аймағының 8 учаскесінде өрт сөндіру жұмыстары жүргізіліп жатыр, деп хабарлайды ТЖМ баспасөз қызметі.
Өртті сөндіруге 111 бірлік техника, 5 әуе кемесі, 5 өрт пойызы, жеке құрамның 703 адамы жұмылдырылған: ТЖМ - 58 бірлік техника, жеке құрамның 359 адамы, суағар құрылғылары бар 2 тікұшақ (Нұр-сұлтан Қ., Қостанай, Ақмола, Солтүстік Қазақстан облыстарының ТЖД, 52859 ә/б (Қарағанды қ.)); ІІМ-жеке құрамнан 33 адам; ІІМ ҰҰ (Ә/Б 6697) - 150 адам, 14 бірлік техника; Қорғаныс Министрлігі - жеке құрамнан 20 адам, 2 тікұшақ; Орман шаруашылығы - 32 бірлік техника, 83 адам орман күзеті; «Қазавиаорманқорғау» РМҚК -12 адам, 2 бірлік техника, 1 әуе көлігі; ЖАО - 3 бірлік техника, 20 адам. «ҚТЖ» АҚ - 5 өрт сөндіру пойызы (21 адам).
"Аманқарағай, Лесное, Озерное елді мекендерінде өрт сөндіру жұмыстары жүргізіліп жатыр. Халықтың қауіпсіздігін қамтамасыз ету мақсатында Озерное ауылынан (250 адам), Аманқарағай ауылының солтүстік бөлігінен (1000 адам), Калинино ауылынан (228 адам) және Лесное ауылынан (363 адам) жалпы барлығы 1841 адам эвакуацияланды.
Жергілікті атқарушы органдар эвакуацияланғандарды Әулиекөл орта мектебі мен Әулиекөл мектеп-интернатына орналастыруды ұйымдастырды. ТЖМ жедел желісі ашылды, ТЖМ мен Қостанай облысының ТЖД психологтарының жұмысы ұйымдастырылды.
ТЖМ жедел желісіне ақпараттық сипаттағы 25 қоңырау келіп түсті. Қостанай облысы ТЖД 2 психологы Әулиекөл ауданының эвакопунктінде халыққа шұғыл психологиялық көмек көрсетеді. Новонеженка а. ҚР ТЖМ 52859 ә/б күшімен зардап шеккен халықты қабылдау үшін 9 шатыр ашылды.
10 адам жарақат алды, күйік алды, жеңіл және орташа ауырлықтағы улану (халықтың 5 адамы, бір кәмелетке толмаған адамды қоса алғанда, 1 орман шаруашылығының қызметкері, 1 әкімдік қызметкері, 3 ТЖМ қызметкері), оның ішінде 4 орталық аудандық ауруханада, 6 тексеруден кейін және көмек көрсетілгеннен кейін үйлеріне жіберілді. Өрт сөндіру кезінде құтқарушылар 1935 жылы туған ер адамның мәйітін тапты" - делінген хабарламада.
Қостанай облысының әкімдігі жергілікті ауқымдағы төтенше жағдайды жариялау мәселесін пысықтап жатыр.
Ведомство дерегінше, 3 қыркүйек сағат 16.00-ден бастап Озерное ауылындағы тұрғын үй құрылыстарына (8 тұрғын үй, 1 әкімшілік ғимарат), Лесное а. (1 тұрғын үй), Аманқарағай а. (98 тұрғын үй және шаруашылық құрылыстар), Аманқарағай мұнай базасының аумағына өрттің көшуі тіркелді. Нәтижесінде отпен 108 құрылыс жойылып, зақымданды.
4 қыркүйектегі «Қазгидромет» РМК деректері бойынша Қостанай облысы Әулиекөл ауданының аумағында жоғары температура 28 градусқа дейін, желдің жылдамдығы 9 м/с дейін сақталады.
4 қыркүйек күні сағат 6-50-де Алматы қаласынан Қостанай облысына суағар құрылғылары бар ТЖМ 2 тікұшағы ұшты. Қазіргі таңда Нұр-Сұлтан қаласында Қорғаныс министрлігінің суағар құрылғылары бар 3 тікұшақ дайын тұр.
Сонымен қатар Нұр-Сұлтан қаласында Мәжіліс депутаттарының ұсынысымен гуманитарлық көмек жасақталып жатыр.
613 рет оқылды
