Қазақстанның Қостанай облысында «қысқартылатын» елді мекендерде тұратын халық саны елу адамнан аспайды. Сондықтан аталған облыста бес ауыл жойылады. Мәслихат депутаттары осындай шешімге келді, – деп хабарлайды Alau.kz өңірлік басылымы.
Қостанай облысы мәслихатының кезектен тыс сессиясында депутаттар облыстың әкімшілік-территориялық құрылымын өзгертуге дауыс берді.
Осылайша, Қостанай, Денисов, Әулиекөл және Қарасу аудандарындағы бес ауыл қысқартылады деп шешілді. Енді Қостанай облысының картасынан Янушевка, Чебендовка, Киров, Братское мен Күленсай ауылдары сызылып тастайды.
Шенеуніктердің мәліметінше, бұл ауылдарда елуден аз адам тұрады.
Мәслихаттың елді мекендерді жою туралы шешімі күшіне енгеннен кейін онда қалған тұрғындар сол маңдағы ауылдарға қарайды.
Бұған дейін осыған ұқсас жағдай Шығыс Қазақстан облысында болған. Қыркүйекте экономикалық тұрғыдан келешегі жоқ деп танылған сегіз ауылдың жойылатыны туралы белгілі болды. Мысалы, Көкпекті аудынаның Комсомол ауылында 18 адам тұрса, Кіші Бөкен ауылында бар-жоғы үш адам тұрады.
Жергілікті биліктің пікірінше, бұндай шағын елді мекендерде қажетті инфрақұрылым жоқ, ал оларды дамыту экономикалық жағынан тиімсіз.
2205 рет оқылды_140_110.jpg)
_80_80.jpg)
