Қостанай облысында тәулік ішінде қар құрсауында қалып қойған 58 адамға көмек көрсетілді, деп хабарлайды "Ұлт ақпарат" облыстық ТЖД баспасөз қызметіне сілтеме жасап.
«16 қаңтар күні Төтенше жағдайлар департаментінің жедел-құтқару бөлімі қызметкерлерінің күшімен 3 жүк көлігі және 18 жеңіл автомобиль қар құрсауынан шығарылды. Барлығы 58 адамға көмек көрсетілді. Оның ішінде 3 сәби болған», - деді ведомствоның баспасөз хатшысы Уәлихан Досанов.
ТЖД өкілдері облыс тұрғындарын боран күндері барынша сақ болуға шақырады. Сондай-ақ алыс жолға шықпауға кеңес береді.
Бұған дейін Қостанай облысының екі ауданы мен бір қаласында жарық өшіп қалғанын жазған болатынбыз.
1084 рет оқылды_140_110.jpg)
_80_80.jpg)
