ҚР Ұлттық банкі төрағасының орынбасары Әлия Молдабекова сыртқы нарықтағы жағдайдың алтын валюта активіне қалай әсер еткенін айтты, деп хабарлайды "Ұлт ақпарат".
Оның айтуынша, алдын ала бағалауға сәйкес, қарашада алтын валюта активтері $33,6 млрд доллардан $32,5 млрд долларға дейін $1,1 млрд долларға төмендеді.
«Резервтер қысқаруының негізгі себебі соңғы 4 жылда алтын бағасының бір унция үшін $1876 доллардан $1772 долларға дейін немесе 5,5%-ға рекордтық құлдырауы болды. Вакциналарды әзірлеудегі жетістіктер, сондай-ақ бүкіл әлемдегі іскерлік белсенділіктің қалпына келуі қорғаныш актив ретінде алтынға сұраныстың құлдырауына әкелді. АВР құрамындағы алтын портфелі қарашада $1,2 млрд долларға төмендеді»,– дейді ол.
Дегенмен, желтоқсанда алтынның бағасы қалпына келе бастап, бүгінгі күні бір унция үшін $1870 доллар деңгейіне жетті.
Өсу себептерінің бірі - АҚШ-тағы фискалдық ынталандырудың жаңа топтамасының қарсаңында доллар бағамының әлсіреуі болды.
Резервтің валюталық бөлігі екінші деңгейлі банктердің корреспонденттік шоттарының өсуі есебінен $100 млн долларға көбейді.
960 рет оқылды
_140_110.jpg)
