08 қыр, 2020 сағат 11:02

Қазақстандықтардың салық бойынша 64 млн теңгеден астам өсімпұлы есептен шығарылды

Биылғы жылдың 7 қыркүйегіндегі жағдай бойынша салықтық рақымшылық мүмкіндіктерін 31 338 азамат пайдаланып үлгерген. Олар 295,3 млн теңге салық төлеп, 64,1 млн өсімпұл есептен шығарылды.

Бұл туралы ҚР Қаржы министрлігінің Мемлекеттік кірістер комитетінің баспасөз қызметі хабарлады .

Ең белсенді өңір рейтингінде Нұр-Сұлтан қаласы көш бастап тұр. Салықтық рақымшылықты 10 мыңнан аса елордалық пайдаланып үлгерген.

Ал, төленген берешек сомасы бойынша Алматы қаласы бірінші орында. Оңтүстік мегаполис тұрғындары 75,6 млн. теңге салық төледі. Бұл көрсеткіш бойынша алғашқы үштікті Түркістан обл. (35,1 млн.) және Алматы обл. (34,2 млн.) түйіндеп тұр.

Есептен шығарылған өсімпұл көрсеткіші бойынша Алматы қаласы алда. Қала бойынша бұл сома 18,4 млн. теңгеге жеткен. Жойылған өсіпұл көлемі 17,7 млн. теңгені құрап отырған Нұр-Сұлтан қаласы екінші орында. Ал, Маңғыстау облысында 4,5 млн.теңге өсімпұл есептен шығарылған. Сонымен қатар, Қостанай облысының тұрғыны көлік салығы бойынша 1,4 млн.теңге көлемінде негізгі берешек сомасын өтеп, 1,07 млн.теңге көлеміндегі өсімпұл есептен шығарылды. Мүлік салығы бойынша жинақталған 1,2 млн.теңге берешекті Алматы қаласының тұрғыны өтеген. Есептен шығарылған өсімпұл – 429 мың теңге. Ақтөбе облысында жер салығы бойынша берешегі бар азамат 51 мың теңге салық төлеп, 43 мың теңге өсімпұлдан босатылды.


МКО атауы	Жеке тұлғалар саны	Төленген бересі сомасы, теңге	Есептен шығаруға жататын өсімпұл сомасы, теңге
Ақмола облысы	1 300	6 047 170	877 423
Ақтөбе облысы	649	8 620 713	1 140 036
Алматы облысы	1 102	34 277 125	2 281 891
Атырау облысы	1545	10 416 466	1 274 833
Шығыс Қазақстан облысы	1 083	14 170 859	971 631
Жамбыл облысы	472	6 633 157	777 824
Батыс Қазақстан облысы	2 696	17 567 651	1 985 116
Қарағанды облысы	1 528	9 764 696	2 221 457
Қостанай облысы	901	9 740 567	1 801 492
Қызылорда облысы	427	9 572 501	830 976
Маңғыстау облысы	436	16 737 745	4 544 083
Павлодар облысы	3 365	12 308 386	3 854 233
Солтұстік Қазақстан облысы	264	4 484 033	459 121
Түркістан облысы	2239	35 164 162	2 087 629
Шымкент қаласы	226	10 024 295	2 884 365
Алматы қаласы	2 934	75 599 712	18 408 700
Нұр-Сұлтан қаласы	10 171	14 236 000	17 730 927
Қорытынды	31 338	295 365 239	64 131 737

Айта кетейік, Салықтық рақымшылық жасау мерзімі – 2020 жылғы 31 желтоқсанға дейін жалғасады.

«Өсімпұлды есептен шығару үшін ешқайда барудың қажеті жоқ. Борыштың негізгі сомасын төлеу жеткілікті. Өсімпұл автоматты есептен шығарылады. Болжам бойынша, 2020 жылы салық рақымшылықты шамамен 1,2 млн. азамат пайдаланады, яғни бюджетке 12,7 млрд. теңге төленеді, есептен шығарылатын өсімпұл сомасы – 4,3 млрд. теңгені құрайды»,-делінген хабарламада.

Айта кетейік, с алықтық берешегінің бар-жоғы екендігі туралы мәліметті ҚР ҚМ Мемлекеттік кірістер комитетінің сайтындағы мына сілтеме арқылы немесе «eSalyq mobile» (AppStore, PlayMarket) мобильді қосымшасы арқылы тексеруге болады.