Қазақстанның Нидерландтағы Елшісі Асқар Жұмағалиев Роттердам порты әкімшілігінің Бас директоры Аллард Кастелейнмен онлайн кездесті, деп хабарлайды "Ұлт ақпарат" Сыртқы істер министрлігінің баспасөз қызметіне сілтеме жасап.
Сұхбат барысында А.Кастелейн Қазақстанның Украинадағы жағдайға байланысты ұстанымы туралы, ҚР Президенті Қ.Тоқаевтың украин тарапына гуманитарлық көмек көрсету туралы шешімі жайлы хабардар етілді.
Қазақстан Елшісі ресейлік-украин дағдарысына орай қазақстандық тауарлардың Роттердам порты арқылы үздіксіз өтуін қамтамасыз ету маңыздылығын атап өтіп, ҚР-дың логистика саласында атқарып жатқан жұмысына тоқталды.
Өз кезегінде Бас директор қазақстандық жүктерді Роттердам порты арқылы қабылдау мен жөнелтуде проблемалар жоқ екенін, әрі жүк транзиті бойынша соңғы уақыттарда туындап жатқан мәселелердің барлығы арнайы құрылған жұмыс тобы шеңберінде қарастырылатынын атап өтті.
Сұхбаттас ҚР Елшісінің порт және қазақстандық серіктестер арасындағы көлік-логистика саласы бойынша екіжақты үйлесімділікті жақын арада жолға қоюға қатысты ұсынысына қолдау білдірді.
743 рет оқылды
