Қазақстанда жиһаз бағасы Ресейден импортталатын материалдардың қымбаттауына байланысты өсіп жатыр, - деп хабарлайды Tengrinews.kz агенттігі "Хабар 24" арнасына сілтеме жасап.
Сарапшылардың айтуынша, Қазақстанда ағаш жиһаз өндірісі Ресей шикізатының импортына 70 пайызға тәуелді. Қазақстандық өндірушілер бұрын елге әкелінген қорды пайдаланып жүр, дегенмен оның таусылатын уақыты да жақындап қалған. Ресейден Қазақстанға ағаш әкелу шығындары төрт есе өсті. Енді Қазақстанға ағаш материалдарын тек теміржол арқылы әкелуге болады. Ағашты есепке алудың жаңа жүйесіне байланысты автокөліктермен тасымалдауға тыйым салынған.
Жиһаз және ағаш өңдеу өнеркәсібі қауымдастығының басшысы Қанат Ибраевтің айтуынша, егер бұрын бір текшені тасымалдау шамамен 3000-3500 теңге болса, енді оның құны 12 мыңға жетеді. Бұл ретте логистика шығындары 40 пайызға дейін артады.
Рубльдің басқа валюталарға қатысты өсуі бағаларға да әсер етеді. Қазақстанда орман көлемінің жеткіліксіз болуына байланысты өнеркәсіптік ағаш дайындау үшін мүмкіндік жоқ. Санкциялар енгізілгенге дейін Ресей әлемдегі жетекші ағаш экспорттаушылардың бірі болды. Соңғы айларда валюта бағамы теңгеге қатысты 5,5 теңгеден 7 теңгеге дейін көтерілді.
Маусымның басында Қазақстанда жиһаз өндіруге арналған материалдар кем дегенде 30 пайызға қымбаттайды. Осы айларда дайын өнімге сұраныс жоғары инфляция аясында айтарлықтай төмендеді.
Фото:elements.envato.com
570 рет оқылды
