Қазақстанда көмір, шикі мұнай және табиғи газ кендерінің өндірісі төмендеді. Бұл туралы ҚР Стратегиялық жоспарлау және реформалар агенттігі Ұлттық статистика бюросы хабарлады, деп жазады ҚазАқпарат.
«2021 жылғы қаңтар-қыркүйекте 2020 жылғы қаңтар-қыркүйекпен салыстырғанда тамақ өнімдерінің, сусын, резеңке және пластмасса бұйымдарының, өзге де бейметалл минералдық өнімдерінің, химия және фармацевтика өнімдерінің, жеңіл өнеркәсіп және машина жасау өндірісінің өсуі байқалды.
Көмір, шикі мұнай және табиғи газ кендерінің өндірісі төмендеді.
Өнеркәсіптік өнімдердің өндіріс көлемінің өсуі республиканың 14 өңірінде байқалды», - делінген мәліметте.
Биылғы қаңтар-қыркүйекте елімізде өндірілді:
- мұнай (газ конденсатын қосқанда) 62,4 млн тонна;
- мыс кендері 91,4 млн тонна;
- ұн 2,3 млн тонна;
- бензин 3,5 млн тонна;
- дизельді отын 3,8 млн тонна;
- электр энергиясы – 83,9 млрд.кВт.сағ.
799 рет оқылды
