Қазақстанда жұқпалы дерттер мен паразиттерге қарсы егуден бас тарту әрекеттері үшін айыппұл салынуы мүмкін, - деп хабарлайды "Ұлт ақпарат" kaz.tengrinews.kz порталына сілтеме жасап.
Мұндай өзгерістер діни қызмет және діни бірлестіктер туралы заңға енгізілуі мүмкін.
"Жаңа заң жобасында егу мәселесі қарастырылып жатыр. Статистикалық мәліметтер бойынша, діни көзқарастар және жеке пікір бойынша да егіуден бас тарту оқиғалары тіркелген. Оның ішінде жартысынан астамы діни көзқарастарға байланысты. Айыппұл тек жұқпалы дерттер мен паразиттерге қарсы егулерден бас тартуға ғана қатысты", - дейді Дін істері және азаматтық қоғам министрлігінің дінтану сараптамасы басқармасының басшысы Балғабек Мырзаев.
Оның сөзінше, егудің өзге түрлеріне қатысты азамат бұл вакциналардың зиянды екенін сот арқылы дәледей алса, екпе жасатпауына болады. Бірақ бұл жағдайда айыппұл салынбайды.
2642 рет оқылды
