Қазақстанның бірқатар қаласында пәтерді жалға алу бағасы тағы екі пайызға төмендеді, - деп хабарлайды Tengrinews.kz агенттігі Krisha.kz сайтына сілтеме жасап.
Сарапшылардың айтуынша, 17-24 қараша аралығында мониторинг жүргізілген барлық қалада көрсеткіштер төмендеген, Шымкенттен басқа. Онда шамалы өсім байқалады.
Баға айтарлықтай төмендеген қалалар:
- Ақтөбе: - 4,7 пайыз, 1 шаршы метр үшін 2600 теңгеге дейін;
- Орал: - 4,0 пайыз, 2887 теңгеге дейін;
- Алматы: - 3,2 пайыз, 6453 теңгеге дейін;
- Астана: - 2,8 пайыз, 4167 теңгеге дейін.
Үш қалада - Көкшетау, Өскемен, Қостанайда апта ішінде баға өзгермеген.
Сонымен қатар, сарапшылардың айтуынша, қыркүйектің басындағы кезеңмен салыстырғанда, елде жалға алу бұрынғысынша 11,5 пайызға қымбат.
Шекара маңындағы қалалардағы жағдай әсер етті: Петропавл, Орал, Павлодар, Қостанайда баға қыркүйекпен салыстырғанда 15-30 пайызға жоғары.
Астана мен Алматының көрсеткіштері де әсер етеді. Дүрбелеңге дейінгі кезеңдегі айырмашылық сәйкесінше плюс 14,6 және 19,8 пайыз.
Бұл ретте Көкшетауда жалға алу қыркүйектегіден де арзандап кеткен.
"Егер баға өсімінің шарықтау шегі туралы айтатын болсақ, онда бүгінде жалға алу ақысы онымен салыстырғанда орташа есеппен 27 пайызға арзандады", - дейді мақала авторлары.
24 қарашадағы жағдай бойынша Қазақстандағы пәтерлерді жалға алу бағасы мынадай:
1156 рет оқылды
_140_110.jpg)
