ҚР Сыртқы істер министрлігінде Дүниежүзілік банкпен өзара әрекеттестіктің мәселелері талқыланды, деп хабарлайды "Ұлт ақпарат" аталған ведомствоның баспасөз қызметіне сілтеме жасап.
Қазақстан Республикасы Премьер-Министрінің орынбасары – Сыртқы істер министрі Мұхтар Тілеуберді Өңірлік директор Лилия Бурунчук пен Дүниежүзілік банктің Қазақстандағы Тұрақты өкілі Жан-Франсуа Мартоны қабылдады.
Кездесу барысында Қазақстан мен Дүниежүзілік банк тобы арасындағы ынтымақтастықтың әлеуетті бағыттары талқыланып, сондай-ақ қазақстандық экономиканың басым секторларындағы жобаларды іске асыруға бағытталған «реформалар матрицасын» әзірлеуді аяқтау мәселелері қарастырылды.
Министр сұхбаттасушыларды коронавирус пандемиясының салдарын еңсеру жөніндегі Үкіметтің шараларымен таныстырды. Ол Дүниежүзілік банк басшылығына COVID-19-ға қарсы күресте көрсеткен қолдауы үшін алғыс айтты.
Кездесу қорытындысы бойынша тараптар барлық бағыттар бойынша сындарлы өзара іс-қимылды жалғастыруға келісті.
968 рет оқылды
_140_110.jpg)
